HIRUHILABETEKO EBALUAZIOA

Azaroak 25ean Lauarri ikastetxeko bostgarren mailako ikasle baten, Mikelen, gurasoekin izandako ebaluazioa azaltzen dugu bideo honetan. Bertan, Mikelen tutoreak eta ikastetxeko pedagogoak ikasturteko lehen hiruhilabetearen ebaluazioa azaltzen diete Mikelen gurasoei. Bideoan, tutorea eta pedagogoa Jon Bastida eta Antton Aizpurua dira eta ikaslearen gurasoak Tetuan taldekoak dira.


Barkatu eragozpenak baina arazoak izan ditugu bideoak estekatzerako orduan.

ROLE PLAYING-A

 

Azaroak 25ean izandako ikasturteko bilera izan genuen Lauarri ikastetean. Bertan, bideoan  azaltzen den bezala, ikastetxeko zuzendariak eta bostgarren mailako tutoreak ikasleen gurasoei ikasturtean zehar emango diren ikasgaiak, helburuak, ikastetxeko mintegiak etab. azaldu zizkieten. Bideoan azaltzen diren ikastetxeko zuzendaria eta ikasleen tutorea Pablo Arakistain eta Josu Odriozola dira eta ikasleen gurasoak Golden taldekoak dira.

 

 

Haurren arteko harremanak

Guk aukeratutako gaia, haurren arteko harremanak da. Interesgarria iruditu zaigu gure etorkizuneko lanean arazo edo momentu hauei aurre egin beharko diegulako. Lehendabizi, lanaren sailkapena 3 ataletan banatu dugu: lehen atala harremanen garapenari buruzkoa da, bertan harremanak nola, noiz, non, zergaitik, noren artean etab. gertatzen diren adieraziko dugu. Bigarren atala, dakartzan ondorioak adieraziko dugu, euren etorkizunerako ondoriorik izango duen jakiteko. Eta hirugarrena, hau ekiditeko edo hau pasatu ondoren, zer konponbide eman diezaiokegun azalduko dugu, honela harreman arazoak dituztenak nola lagundu jakiteko, adibidez.
Bigarrenez, bideoak bilatzen ibili gara non haurren arteko patio edo kaleko harremanak azaltzen diren. Adibidez arazotxo bat nola konpondu azaltzen duen bideo bat aurkitu dugu, eta hau gutxi balitz, aurretik aipatu ditugun ia atal guztiak azaltzen dituen beste ikasle batzuen lan bat topatu dugu.

Mindomo

Make your own mind maps with Mindomo.

IRAKASLEAREKIN ELKARRIZKETA

Elkarrizketa hau egiteko, Iñaki Osoro izeneko irakaslea hautatu dut, Lehen Hezkuntzan naturako klaseak ematen zizkidan eta oso entretenigarriak eta dinamikoak ziren. Elkarrizketa lortzea erraza izan zait, Iñaki ere kirol munduan sartuta dagoelako, horrek gure harremana sustatu eta indartu baitu.

Elkarrizketaz hitz egiterakoan, esan beharra dago hasiera batean nahiko mugatuta edo soltatu gabe geundela. Nik galderak egiten nituen eta berak erantzun, baina denbora pasa ahala biok soltatu egin ginen eta elkarrizketa aberatsago bat sortzea lortu genuen.
Elkarrizketan zehar, Iñakik bere anekdota positiboak eta negatiboak kontatu ez ezik, gomendio batzuk ere eman zizkidan. Gomendioen artean aipagarrienak, umeekin pazientzia asko izatea eta umeekin ahalik eta kontaktu gehien izaten lortzea dira.

Jarduera honetan momentu bat heldu zen non ez nituen galdera gehiago, baina berarekin hitz egiten denbora gehiago geratuko nintzatekeen.Hau guztia esanda, esan beharra dago elkarrizketa hau egitea asko gustatu zaidala eta hemendik denbora batera entzundako gomendioak eta aholkuak praktikara eramatea espero dudala. Horrez gain, elkarrizketa honek umeei buruz gehiago jakiteko eta umeekin harremanetan jartzeko grina piztu dit.

IRAKASLEAREKIN ELKARRIZKETA

Elkarrizketa hau Lekeitioko irakasle baten laguntza ezinbestekoa izan da. Irakasle hau Haur Hezkuntzako irakaslea da, hainbat ikastetxe desberdinetatik pasatu dena 8 urtetan.Konfidantza handia dudanez, ez nuen inolako arazorik izan elkarrizketan berarekin zuzeneko konekzioa lortzeko

Elkarrizketa honetan hainbat galdera egin nizkion eta berak galdera horiek erantzuten zizkidan bere esperientzia propioan oinarrituz.Lan hau erabilgarria dela uste dut, esperientzia berriak ezagutzen dituzulako eta garrantzitsuak izan daitezkelako gerora begira.

Esperientzia polita izan da lehen esan bezela ondo konektatu genuelako elkarrekin eta ez zelako inolako arazorik egon elkarrizketa on bat egiteko eta elkarren iritziak trukatzeko

IRAKASLEARI ELKARRIZKETA

Irakasleari egindako elkarrizketa, horain artean graduan egin dudan gauzarik probetxuskoena iruditu zait.Etorkizunerako benetan baliagarri izango zaizkidan gauza asko ikasi ditut, horien artean truko eta sekretutxoren bat ere.Naiz eta eskolako lan bat izan,oso gustura egon nintzen hizketan,benetan oso interesgarria egin zitzaidan.